Euskarazko emanaldiak egiten hasi zen lehenengo irrati emisora izen zen Herri Irratia-Radio Popular de Bilbao, orain 60 urte baino gehiago, eta gaur egun ere sendo jarraitzen dugu geure hizkuntzaren alde. Euskararentzako garai latzetan apustu sendoa egin zuen Bilboko Elizbarrutiak euskararen alde bere irratian.
Indartuz eta gorpuztuz joan zen euskarazko emisioa programazio orokorrean eta Bizkaia Irratia jaio zen apustu haretatik, euskara hutsezko irratia. Gaur egun biak daude martxan, elkarrekin, euskarari bakoitzak bere aldetik ekarpena eginaz. Izan ere, euskarak guztiok behar gaitu: euskara hutsean jardungo dutenak, jakintza mailaren arabera gehiago edo gutxiago erabiliko dutenak zein jakin gabe ere aldeko jarrera argia dutenak.
Denon ahaleginarekin haziz eta zabalduz doa euskara, bizitzako esparru guztietara hedatuz. Gero eta bihotz eta ezpain gehiagotan dago, bizi-bizi. Pozgarriak dira euskararen normalizazioan ematen diren pauso guztiak, nahiz eta jakin badakigun oraindik asko falta dela egiteko. Bide horretan Herri Irratiak ez dio lepoa emango euskarari.
Egon ginan, bagaude eta beti egongo gara euskararekin.
Gaur egungo ume eta gazteak dira euskararen etorkizuneko hiztunak eta guk beraiekin ospatuko dugu Euskararen Eguna!! Hauek Avellaneda Ikastetxeko ikasleak dira:
🗣️ 𝗘𝘂𝘀𝗸𝗮𝗿𝗮𝗿𝗲𝗻 𝗡𝗮𝘇𝗶𝗼𝗮𝗿𝘁𝗲𝗸𝗼 𝗘𝗴𝘂𝗻𝗮
👩🏫 Gaur Euskararen Eguna da!
👫 Geuk ere bat egin nahi dugu Avellaneda Ikastetxeko umeekin!@Avellanedaikas#Euskara #EuskararenEguna #EuskararenNazioartekoEguna pic.twitter.com/uoipkxrR1s
— Radio Popular – Herri Irratia (@RadioPopular) December 3, 2021
