Bermeoko Udaltzaingoak bi adingabe identifikatu ditu Almika auzoan grafitiak egin izanagatik. Gertakariak otsailaren 15eko goizean izan dira, eta identifikatutako pertsonek sprayak eta tamaina handiko errotuladoreak zeramatzaten.
Bestalde, otsailaren 23an, pertsona bat identifikatu dute hiri-altzariak apurtzeagatik, zehazki, zenbait paperontzi hondatzeagatik.
Herritarren laguntza funtsezkoa izan da
Bi kasuetan, Udaltzaingoak eginbideak ireki ditu eta epaitegira bidaliko ditu. Bermeoko Udalak azpimarratu du ekintza bandaliko horiek identifikatzeko herritarren lankidetza funtsezkoa dela.
Udalak gogorarazi duenez, herriaren segurtasuna eta udalerriaren mantentzea guztion ardura da. Herritarren inplikazioarekin bakarrik lortu ahal izango da ingurune garbi, seguru eta atsegin bat.
