Bermeoko Udalak beste behin antolatu du Tabernen Mozorro Lehiaketa, Aratuste martitzenean, martxoaren 4an. Udalerriko taberna guztiek parte hartu ahal izango dute, eta iaz 18 tabernek hartu zuten parte ekimen honetan.
Izena emateko aukera eta epea
Interesa duten tabernariek otsailaren 28ko (barikua) 12:00ak arte eman ahal izango dute izena Kultura eta Hezkuntza Sailaren bulegoan, 94-617 91 57 telefono zenbakian edo kultura@bermeo.eus helbide elektronikoan. Hala ere, Bermeoko Udalak lehenbailehen izena ematea gomendatu du, lehiaketan parte hartuko duten tabernekin mapa bat egingo delako.
Lehiaketaren baldintzak eta epai-irizpideak
Lehiaketan parte hartzen duten tabernak martxoaren 4an, 11:00etatik aurrera, apainduta egon beharko dira, eta tabernarien mozorroek gaiarekin bat egin beharko dute. Taberna parte-hartzaileek kartel identifikatzaile bat izango dute.
Epaimahaia Jai Batzordeko ordezkariek osatuko dute eta Aratuste martitzenean bertan bisitatuko dituzte taberna guztiak. Irabazleen izenak egunean bertan jakinaraziko dira, eta baita udaleko webgunean eta sare sozialen bidez ere.
Epaimahaiak ondoko irizpideak kontuan hartuko ditu:
- Apainketaren originaltasuna
- Erabilitako materialen kontsumo orekatua eta ingurumena errespetatzea
- Tabernarien mozorroak eta tabernaren apainketaren arteko koherentzia
- Euskararen erabilera
Sariak
Lehiaketan hiru sari banatuko dira:
1. saria: 200 €-ko balioko otzara
2. saria: 150 €-ko balioko otzara
3. saria: 100 €-ko balioko otzara
Parte hartzera animatzeko gonbidapena
Bermeoko Udalak herriko tabernetako jabeak animatu ditu mozorro lehiaketan parte hartzera, ekimen honek herria eta herritarrak girotzeko aukera paregabea eskaintzen duelako.
