Bermeoko Udalak, hiru alderdien adostasunez, atsekabea eta tristura handia adierazten ditu herrian izandako gertakari latzaren aurrean. Udalak doluminik eta elkartasunik zintzoenak helarazten dizkie familiari, lagunei eta gertukoei, une mingarri honetan.
Lazo beltza udaletxeko fatxadan
Gertatutakoaren larritasuna eta herrian sortu duen samina aintzat hartuta, dolu eguna izendatu da Bermeon. Horren sinbolo gisa, lazo beltza dago udaletxeko fatxadan, herri osoaren dolua eta elkartasuna adierazteko.
Errespetua eta lasaitasuna eskatu dituzte
Udalak errespetua eta lasaitasuna eskatzen dizkie herritarrei eta komunikabideei, familiaren intimitatea eta doluaren isiltasuna zaintzeko. Halaber, zurrumurruak eta espekulazioak saihesteko dei egiten du, pertsonen duintasuna eta mina lehenetsiz.
Elkartasuna eta bizikidetza, oinarri
Bermeoko Udalak berresten du bere konpromisoa elkartasunaren, bizikidetzaren eta errespetuaren balioekin, eta herritar guztiei modu baketsu eta arduratsuan erantzuteko deia egiten die.
