Lekeitioko Udalak jakinarazi duenez, laster zabalduko da 2025eko Santo Tomas azokarako izen-ematea, eta ekoizleek, abeltzainek, artisau-ek eta herriko eragileek izango dute parte hartzeko aukera urriaren 30etik azaroaren 7ra arte.
Azoka abenduaren 21ean egingo da, eta ohiko moduan, tokiko lehen sektorea sustatzea eta balioan jartzea izango du helburu nagusi.
Nola eman izena
Parte hartu nahi dutenek eskaera orria eta beharrezko dokumentazioa aurkeztu beharko dituzte:
Ekoizleek, artisau-ek eta abeltzainek aurkezpena egin ahal izango dute Markina-Xemeinen (Xemein Hiribidea, 12, A) edo imendizabal@leartibaifundazioa.eus
helbidera bidalita.
Herriko erakunde eta taldeek, berriz, dokumentuak aurkeztu beharko dituzte Lekeitioko Udalaren bitartez, presentzialki (Resurreccion Maria de Azkue, 5) edo jaiak@lekeitio.eus
helbidera bidalita.
Lehen sektorearen garrantzia nabarmendu dute
Udal arduradunen esanetan, azokaren xedea urtero berbera da: “lehen sektorea funtsezkoa da ekonomiarentzat, ingurumenarekiko errespetuarentzat eta kontsumo jasangarriarentzat. Horregatik, bere bideragarritasuna sustatzeko hainbat ekimen garatu ditugu, tartean, Santo Tomas azoka bera”, azaldu dute.
